噚日內地有網站報道話，仲開緊工嘅中韓電影《驚魂遊戲》，懷疑有內地演員借埋位時，乘機假戲真做，用木棍將一位韓籍演員打至腦震盪入院，搞到劇組要停工，有指兩位當事人係胡兵同朴魯植。胡兵噚日發聲明話自己冇打人，只係天雨關係一時失手，朴魯植當時係有啲暈同要入院接受檢查，並無大礙，而胡兵亦已經第一時間向朴魯植道歉。