乜嘢叫新鮮？在農田即摘即食，那份鮮甜滋味是汗流浹背的最大回報。這天來到元朗錦田，我做了農夫兩小時，深深體會到甚麼是粒粒皆辛苦，雙臂雖然被蚊蟲咬得又癢又腫，但捧着那廿支親手摘下的有機粟米回家，勁滿足。
記者：趙珮倩
攝影：譚盈傑
示範：卿姐
啡鬚粟米最甜
一向鍾意食粟米，最近得悉有機農友會舉辦了「6月粟米節」，歡迎大家去採摘，我當然唔執輸。原來本地粟米一年兩造，5月尾至6月份及11至12月份都是收成期，走進粟米田，過千棵粟米樹有如迷宮。負責人黃如榮教我要揀粟米鬚乾身至近乎深啡、粟米身脹大為之成熟靚粟米。我拚命地找呀找，見「合眼緣」的即摘下來，偶爾還碰到毛蟲在粟米葉上嬉戲，證明粟米真的不含農藥。
這裏除可摘粟米，還可助養粟米，以$10認購一粒種籽，你可親手落種，其間有人為你照料，一般一棵粟米苗可種出一棵粟米，而你當然可經常來探望自己的BB，為它灌溉施肥除雜草，3至4個月後便可收割。阿榮：「助養粟米計劃可讓大家體驗有機耕種，經自己努力才收成，吃下更滋味。」
阿榮自幼跟父母耕種，大學畢業後從事電子生產行業，一做20年。為追求另類滿足感，阿榮去年毅然回歸農田，朝朝六點起身堆肥、澆水，間中還要對付「不速之客」：「某晚有11隻野水牛入侵，踩壞一邊農田又食咗大部份粟米，花了很多工夫才修好。」以為農夫工作已夠疲累，太陽落山理應大覺瞓，殊不知阿榮還是跆拳道教練，每晚還教跆拳：「運動員唔怕辛苦，搞有機農田是想體驗父母以前耕田的工作，也希望在香港這個彈丸之地找到自己的理想空間。」
留鬚烚 更甜
有機粟米烚時毋須浸洗，只撕去外層數片衣葉，保留小部份鬚葉同烚，便可保留更多鮮味。凍水落粟米，水份約夠浸半支粟米，大火滾起後聞到粟米香味，即熄火焗數分鐘即可。
粟米採摘及助養各$10/支
查詢：91081731（歐羅有機農場）
網址： http://yuwing.com
炸紫菜粟米卷
平時做的紫菜卷多用日式紫菜包裹，但原來以放湯用的紫菜餅做，紫菜味道更加濃郁。
材料
汕頭紫菜餅1塊、魚茸150克、有機鮮粟米1條
做法
1. 鮮粟米起肉粒。
2. 紫菜切半，塗上魚茸掃平，放上適量粟米，捲起成條狀。
3. 燒熱油至150℃，放入紫菜卷，以細火炸至魚肉金黃即成。
貼士
紫菜餅容易有沙，煮前可略拍乾淨。
鮮粟米大菜糕
食雪糕怕肥，不如食杯凉浸浸的大菜糕，同樣可為夏日降溫。
材料
大菜絲75克、水750毫升、冰糖1小塊、有機鮮粟米2條、糖適量
做法
1.鮮粟米起肉粒。
2. 大菜絲、冰糖放水中，煲滾後收細火慢慢拌溶，熄火。
3. 將一半粟米粒放入大菜溶液中，拌好後倒入模中，放雪櫃雪1小時。
4. 其餘的粟米粒用攪拌器打成茸，加糖及少許水，以細火煮成濃汁，攤凉伴大菜糕享用。
貼士
粟米的甜度條條不同，可先試少許粟米粒味道，再自行調校冰糖或糖的份量。
老火粟米甘笋湯
用新鮮粟米和甘笋煲湯，果然清甜到極，鹽都唔使落。
材料
有機鮮粟米（切段）/有機甘笋（切塊）各1條、西施骨300克、水適量
做法
1.西施骨汆水，洗淨。
2.煲內放入所有材料，加水浸過面，以大火煲後，收細火煲2至3小時即可。
