花旗最新失業率較市場預期為差，上禮拜五道指繼續受壓。
除經濟數據之外，信貸評級機構相繼發出下調花旗評級警告亦令投資者不安，由於兩大黨嘅爭拗通常會到最後一刻先至有轉機，事情可能會拖至8月初。
港股上禮拜五以穿頭破腳大陰燭回落，會再考驗22600支持力，短炒宜選強勢股。
友邦C輪11409：友邦保險（1299）上日報收28.05元，升2.5%。晉身恒指成份股只係友邦強勢嘅一個原因，企業質素好同埋前景看好先至係買盤追捧嘅主要原因，短線向上嘅動力會幾強，應該好快會上試30元，可以諗吓隻C輪11409。
隻輪現價24.2仙，2011年11月18日到期，行使價27.18元，溢價5.5%，引伸波幅25.7%，槓桿率11.6倍（有效7.1倍），正股升上30元，11409睇37.5仙，升幅有5成，正股跌穿27.20元就沽咗隻輪。
俊樺