噚日先講緊4屆非國盃冠軍喀麥隆出現內訌，喺外圍賽和波後徘徊出局邊緣，話口未完，另一強隊埃及（圖）亦告急。呢隊衞冕冠軍喺禮拜日嘅非國外G組主場0:0和咗南非，4戰只得兩分排包尾。家南非揸住8分帶梗頭，所以埃及出線機會好渺茫。埃及下輪作客塞拉里昂輸波就出局；如果和波加上南非同時賽和尼日爾，埃及一樣要出局。