有傳張栢芝拍完電影《影子愛人》後，會飛往馬來西亞找霆鋒箍煲，故昨日吸引大批傳媒在香港機場守候。昨午12時半，周潤發夫婦現身機場，二人與兩名友人一同飛北京準備出席《建黨偉業》首映禮。
「家點樣啫」
發哥問記者在等誰，知道是栢芝後，他說：「家點樣啫？其實你哋喺度等，英皇有私人飛機o架嘛，轉頭喺嗰邊嚟又嗰邊走啦！」有指鋒芝今次情況很複雜，發哥笑說：「你哋唔算慘，永祥大廈嗰陣你哋等足三年咪仲辛苦。」
未幾，蔡少芬丈夫張晉到達，他謂要返北京辦證件，他謂湊女很開心不辛苦，談到妻子身體情況，問到是否已收身，張晉說：「最緊要洗咗頭先，佢好瘦o架喇。」
採訪：卓寶花
攝影：仇志德