【本報訊】隨着內地孕婦近年來港產子的數目不斷增加，本港陪月員一直供不應求，部份星級陪月員更是有價無市。已考獲國家育嬰師職業資格的陪月員麥德蘭就指，陪月檔期已排至明年農曆新年，「係做唔停手，當中起碼一半係內地媽媽。」
曾參加再培訓局陪月課程的麥德蘭表示，課程主要教授學員認識孕婦產前、產後及新生嬰兒護理的基本技術，要更進一步，必須自己額外修讀各種技術課程，如按摩、護理技巧等。「呢行好講好口碑，質量好就有好多人慕名而來，就算只係幫手頂6個鐘，人工由五千蚊到萬五蚊都有，就係睇你手勢。」她指來年屬「龍年效應」，料生意會更多。其中內地客出手會更闊綽，「港客大約兩萬幾蚊一次，內地客可以出到五萬幾。」
內地客多生意接不停
另一位星級陪月員何玉珍亦表示，內地客數目越來越多，料生意會接不停，「技術以外愛心同關心仲緊要，因為客人唔識你都搵你係因為信任你。」
除再培訓局外，坊間不少機構如基督教勵行會等亦有提供陪月員課程，供年滿15歲或以上之失業人士修讀，課程完成後一般會發證書證明學員具陪月員資格。