黎耀祥噚日喺外地返嚟，落機就趕到將軍澳出席活動，不過講到美加登台之行佢一肚氣，祥仔話：「我今次去美加係由紐約轉飛三藩巿，之後再去溫哥華，點知紐約班機遲咗個半鐘起飛，最後遲兩分鐘去到三藩巿，去溫哥華架機冇等就飛咗，最後要由陸路去溫哥華，仲要啲行李搞咗成日先拎得番！」至於造人方面有冇喜訊，佢話未有，仲努力緊喎！