楊千嬅同老公丁子高各有各忙，兩公婆見面時間少之又少，相信造人計劃繼續推遲。不過，前日千嬅兩公婆難得有時間，佢哋拍拖去跟林天行老師學書法。佢兩公婆習書法都有板有眼，千嬅大筆一揮寫咗生意興隆送畀老師，點知丁子高喺微博留言酸溜溜話：「老師話丁太嘅悟性比我高。」佢一向錫老婆，相信唔介意俾千嬅叻一次。