百果園E神陳靜（DaDa）上月到上海拍寫真集，準備在今年書展推出，無獨有偶，趙碩之的寫真也在上海拍攝，談到今年書展將有很多內地o靚模入侵，問首次出寫真的DaDa會否感壓力？她就暗寸潘霜霜謂：「有少少啦，雖然我冇男藝人幫手搞緋聞做宣傳，但我有實力有信心。」
堅守三點
DaDa已有心理準備不能入書展搞簽名會，她說：「公司幫我搵咗地方搞簽名會，但我都想入場行個圈，感受吓氣氛，睇吓fans反應。」DaDa近日參演新戲《喜愛夜蒲》，還要拍床戲，她說：「可以接受性感，但絕對唔可以露點，堅持三點不露係我底線，呢方面我好保守，唔想將來老公因為我拍呢啲戲唔開心，點都要留番啲私隱畀自己。」撰文：林妃