【Interview專訪】連鎖化妝品零售商卓悅控股（653），受惠內地旅客源源不絕的消費力，去年盈利勁升近五成。卓悅執行董事陳志秋透露，今年首4個月化妝品零售生意走勢仍勁，按年增長18%；不過，租金趨升已令集團續租困難，今年開店數目有機會無法達標，要透過力谷毛利率，穩住盈利快速增長。
記者︰吳綺慧
卓悅去年銷售按年升25%，今年初勢頭亦極佳；但自3月日本核危機爆發後，4月以來日本奶粉銷情大受打擊（見另文），令公司整體營業額增長由以往的逾兩成，放緩至18%左右，同店增長則有8%至10%。
陳志秋表示，單看化妝品業務，增長主要是由客量增加帶動，公司平均只加價1%至3%，無論內地客還是本港消費者，都同樣增加消費：「通脹似乎係影響食物多啲，女人要Cutbudget（減少開支預算），似乎係食少餐飯，而唔係買少啲化妝品。」
今年租金佔生意逾11%
陳志秋坦言，今年業務要面對的困難，並不在於如何吸生意，而是如何控制瘋狂上漲的租金成本，他預料，租金佔營業額的比重，會由去年的9.9%，增至今年至少超過11%，明年會達12%至13%。「好似銅鑼灣利園山道個舖，我哋都預咗續唔到，現在街舖加租幾成好平常，有啲已經貴到計唔掂數。」
一向食正內地旅客這條「北水」的卓悅，去年生意增長仍可追上租金，但今年陳志秋表示「做唔到」，「連我哋（化妝品）同電器影音零售商都開始頂唔順，只有名牌同珠寶仲可承受到旅客旺區的租金。」
由於大量國際品牌來港開店，故陳志秋指租金被搶高無可厚非，相信短期內趨勢亦難扭轉：「我們上半年已開店5至6間，是預計下半年有些舖不能續租要關閉。如果現時不多開點，恐怕下半年更難搵舖。」卓悅每年計劃開店4至5間，陳志秋表示，未來兩年未必可以達標。
卓悅今年將繼續透過增加獨家產品比例，提升毛利率，穩住盈利能力；另外亦會拓展中國市場，尋找新增長點。「我們去年在廣州開首家分店，表現尚算理想，今年4月開第二間，希望全年可開到8間。」
盼內地舖全部有錢賺
陳志秋表示，雖然內地業務仍在開拓當中，但公司的目標是「每間舖都要有錢賺」，不會話投資期就要蝕錢，料今年可有小量盈利貢獻，希望3年後可佔營業額比重10%。