劉德華寫得一手好書法,圈中人所共知。楊千嬅昨日穿晚裝為新店主持開幕,都露一手送上自己寫的「生意興隆」大字冧客,她更透露特別苦練四小時,寫字祝賀,更笑言現時公關、拍戲工作多,生意興隆緊要過連生貴子。
楊千嬅和老公丁子高(Real)合作開公關公司,夫妻檔拍住上,千嬅自然成為公司活動「鐵腳」,肥水不流別人田。繼上次上海活動後,兩人的公關公司RM昨晚為珠寶名牌Piaget在銅鑼灣利園搞新店開幕禮,千嬅順理成章又出任剪綵嘉賓,她透露收到一隻鑽石手錶做酬勞。
揮春搞噱頭
昨晚千嬅穿上MaxMara晚裝配400萬鑽飾出現,更送了自己寫的書法「生意興隆」給品牌的外籍高層,她說:「今次算係自己公司喺香港嘅第一個工作。Real問我有乜噱頭,我話寫揮春啦,不過我十幾年冇寫過,所以之前都去咗上堂,學咗四個鐘頭。」
千嬅小時候有寫揮春送人的習慣,但常遭朋友指寫得差,她指十多年沒寫過書法。問千嬅和劉德華的書法比較如何?她說:「佢學咗十幾年,我寫隸書,佢寫篆書,我係寫喺草紙度咋。」記者提她草紙即廁紙,她即變大笑姑婆:「係喎,草紙用嚟做其他嘢。」
下月拍新戲
問到有否苦練寫「連生貴子」,千嬅說:「我想寫生意興隆多啲喎,下個月開戲拍《志明與春嬌》續集,遲啲送嘢畀老闆,都係送書法『生意興隆』。」又指生仔大計,自己和老公有時間。
採訪:JessicaNgan
攝影:DickyChan