胡杏兒和黃宗澤（Bosco）昨日以情侶檔到尖沙嘴出席運動品牌活動，杏兒父母低調到場，惟見記者拍照即速閃。
司儀楊洛婷笑問杏兒揀男友是否很挑剔？在旁的Bosco聞言即笑着行開，楊洛婷見狀即說：「你哋唔係已經公開咩？」二人表現尷尬。事後記者指Bosco無私顯見私，杏兒插嘴指他戲渣，Bosco笑說：「其實兩個人一齊出活動，都預咗嘅。」杏兒父母是否專程來見未來女婿？杏兒笑着否認，聲稱是沒時間見他們，所以才叫他們出活動見面。
舊情敵鍾麗淇打招呼
近日有傳杏兒拍新劇《樂府藏龍》時嘲笑賈曉晨（JJ）說話有鄉音，她寃枉說：「我同佢一場戲都未拍過，只係造型見過面，真係寃枉！」Bosco維護女友說：「佢點會呀！」但說到有傳因JJ曾與Bosco傳過緋聞，杏兒才針對她，杏兒即說：「都係因為你，係你唔啱。」Bosco亦說：「係我唔啱係我衰。」他又向杏兒派定心丸：「暫時都係同杏兒舒服啲。」
同場還有鍾麗淇，她現時的丈夫是杏兒的前男友，不過二人見面冇尷尬，鍾麗淇更主動跟杏兒打招呼。談到囡囡，鍾麗淇表示：「佢五個月大，有時教完瑜伽會凉都唔冲趕返屋企見佢。」
採訪：譚倩宜 攝影：仇志德