「全個地球，我都唔知行過幾多個圈！」退休領港員兼香港物流管理人員協會理事佘照基船長，足迹遍及七大洲五大洋，熟悉各國風土人情及法律，由水手到船長再到領港員，所見所聞，恍如活了兩輩子！
在30多年領港員生涯中，佘照基曾兩度引領軍艦進出港口，第一次是美國核動力航母尼米茲號，「佢同卡爾文森號同級，成隻船幾千人，飛機又多，好值錢，真係有啲壓力！」
難忘東帝汶救千人
另一次則於80年代、曾經轟動全港的美艦新澤西號戰艦，「嗰時有句歇後語話『你真係新澤西』，即係話人打斧頭食水深，因為新澤西號重四萬五千噸」。後來軍艦退役，美方用新澤西號的甲板木製成紀念牌送給佘照基，極具紀念價值。
在赤柱航海學校畢業的佘照基，加入領港員前同樣經歷過辛酸的行船歲月，最難忘70年代中東帝汶爆發戰爭，他剛好在貨船馬利號上任大伙，而貨船就停泊在首都帝力：「嗰度本身係度假勝地，一打仗我哋就幫手救人撤離，首先係官員、領事、外交官，之後就係一大批遊客。」
當時情況非常危急，貨船誤中炮火，打穿多個大洞，更有不少人受傷，「船上冇醫生，全部靠船長同大伙搞掂，最後救咗近千人」。
《蘋果》記者