丹麥假假哋都係92年歐國盃盟主，只可惜青黃不接，近年喺國際賽一直抬唔起頭。不過，球隊90後小將基斯甸艾歷臣（圖）今季火速冒起，除咗協助阿積士喺荷甲封王，大小國腳都有佢份踢，絕對係球隊明日之星。上周六嘅歐國外，佢仲取得生涯第一個國際賽入球，兼帶領丹麥以2:0擊敗冰島，惟得失球差仍唔及同得10分嘅葡萄牙，暫列H組次席，不過出線形勢樂觀。