周秀娜（Chrissie）連續兩年推出噴血寫真，急流引退，今年只有百果園E神陳靜（DaDa）力挽狂瀾，DaDa日前穿比堅尼拍照大晒身材，但兩邊胸前卻現紅印，談到再出寫真，她說：「今次係我第一次出個人寫真，可能係最後一次出，希望大家多多支持，支持我呢個香港代表。」DaDa代表香港本土o靚模對抗一眾國產女模，國產乳神潘霜霜挾舊愛林峯之名，人氣極盛，她是DaDa的勁敵之一，DaDa說：「我有留意佢，想唔留意都唔得啦，咁多雜誌有登，侷住要留意喇。」
嘲潘霜霜「不倒」
DaDa不停強調潘霜霜「家」樣靚，她說：「我覺得佢『家』個樣都幾靚，真係有啲似舒淇『家』。等睇佢啲相，好期待。」霜霜「家」身材又點？DaDa說：「好少有o架，咁瘦又咁勁身材，好似Chrissie咁好瘦，身材好勁，但係會睇得出囉！比較上我會鍾意Chrissie身形，自然啲。」
問覺得潘霜霜身材怎樣？DaDa說：「佢身材點？我唔識佢（潘霜霜），未見過實體，但係我覺得佢好瘦好瘦好瘦，但係身材又好勁好勁，見到佢嘅相，個腦會有一下閃過整容呢個諗法，我唔肯定，但係佢真係好不倒喎！」
採訪：楊潔雯 攝影：葉君海
Profile
陳靜 DaDa
年齡：22歲
三圍：34E、25、35
身高：165cm
經驗：拍攝百果園、渣打銀行信用卡廣告，曾任亞視《馬上全接觸》主持
資料來源：《蘋果》資料室
