陳豪同AmandaS.噚日喺銅鑼灣出席商舖剪綵，被踢爆同陳茵媺喺黃金海岸約會嘅陳豪全程風騷大笑，仲承認約會女方：「諗住地點好偏，唔想俾記者影到，點知都俾人摷到。」陳豪話飯後送咗陳茵媺返家，感覺OK，但冇拖過手，佢又話工作忙，未諗幾時再約，記者話陳茵媺好快會被追走，陳豪即拍木製佈景板求好運，仲話雙方未見過家長。