想當年，振英哥正義凜然，喺89年六四屠城過後，登報「強烈譴責北京當局濫殺市民的冷血暴行」；到如今，有人為咗自己嘅仕途，都避談咗六四好多年咯。但勢估唔到，係六四22周年嘅維園球場，振英哥嘅大名竟然再度出現，莫非市民對振英哥撐民運嘅往事，始終仲未淡忘？
佢老哥成功喺球場硬地留名，事緣係六四當日，有好多人都用粉筆喺波地度寫下對八九民運嘅心聲，咁啱真係有市民寫阿振英喎。振英哥真係咁受市民愛戴？八方上前睇清楚人哋寫乜，發現咗五個好有氣勢嘅大字──「梁振英食屎」，仲cute到真係畫咗嚿屎出嚟。既然民意如此，唔知振英哥又會否當仁不讓呢？