梁洛施（Isabella）上周突然現身香港，和圈中好友詹瑞文及蔣怡等朋友在西貢吃飯，據知她翌日已經離港到法國會契爺黃秋生。秋生由上周起，已每日在微博分享自己的法國之旅，包括到名店購物，以及跟麪包師傅學藝等，秋生更帶了兩個公仔在景點留影，舉止非常少女。秋生前日更上載了和Isabella在巴黎聖心教堂前影的合照，可見Isabella笑得很開心，秋生更表明順道為她預祝23歲生日。
爆孖仔百厭
此外，蔣怡前晚現身灣仔活動，談到與Isabella食飯，她說是因大家都跟詹瑞文學戲：「係同學敍舊，我哋冇一齊上過堂，我係師姐。」蔣怡指Isabella有拿她的孖仔相片給同學睇，她說：「好可愛，孖仔梗係似樣，不過睇唔到似邊個，Isabella話孖仔好百厭，男仔冇時停，成日郁來郁去。」蔣怡說Isabella純為見朋友返港，沒傾拍片的事，並讚Isabella又靚又開心，更笑言要介紹男友給她。
採訪：林妃、梁錦雯
攝影：陳順楨
