三個月前痛失孖女的陳慧琳（Kelly），已心情平復正常工作，心思亦放回已經返幼稚園的蝦餃仔身上。提到近期熱門的鋒芝變，Kelly希望兩人和好如初，更指自己和老公冇物業轉移的煩惱，皆因陳天后原來都因樓價太高，買不起樓！
陳慧琳前晚在灣仔出席水晶活動，她透露要待寶貝蝦餃仔入睡才出席活動，早前痛失孖女的她看來心情已平復，她說：「我漸漸投入番工作，香港內地都有，性質都係好hea，可以有時間湊仔嘅。」談到蝦餃仔，Kelly不停口說：「佢家返學，不過我都有啲擔心，因為學校不時話有手足口病，佢試過一返學就流鼻水，要唞兩三個禮拜。」
願鋒芝唔好離婚
鋒芝婚變，Kelly希望兩人和氣收場：「希望佢哋唔好離婚啦，兩公婆一定會嗌交，好快雨過天晴，佢哋各自專心拍戲，都係機會俾大家冷靜吓。」她指自己和老公嘈交最多互不理睬一天，多半老公大方讓她，提到兩夫婦的錢銀安排，Kelly說：「老公都有交租、畀家用，我都係賺錢買花戴。我哋冇物業，樓價太高，買唔起，如果買，都會聯名，聯唔聯都唔緊要，將來都係畀蝦餃仔。」
此外，任達華透露提前收到老婆琦琦送的父親節禮物，一架保時捷跑車！他說：「係一份大禮物，無得surprise，因為佢要問我鍾意乜色。」琦琦笑言要更努力投資賺錢，對於自己出手重，她謂其實老公間中送的小禮物，價值更高，如一粒粒的鑽石。
採訪：梁錦雯 攝影：陳順楨
