返咗阿根廷同大女慶祝生日嘅泰維斯（圖），今季助曼城贏得足總盃冠軍之餘，兼奪來季歐聯嘅參賽資格；球會亦曾以一紙25萬周薪嘅合約，力誘呢位阿根廷國腳留隊。但偏偏佢早有離心，又同領隊文仙尼鬧不和，早前佢接受英國傳媒訪問，仲話班主蒙蘇都支持佢做佢鍾意做嘅事，甚至離隊都冇問題。總之一句到尾，泰維斯會否離隊仲係一個謎。