亞視《好味道系列》節目將會喺聽日播出，首輯係《韓國好味道》，有份主持嘅呂晶晶（圖）、筱靖同林紫君噚日喺亞視總台出席記招，即將出發去馬爾代夫拍攝嘅筱靖同林紫君，即場獲贈比堅尼泳衣。呂晶晶即場接受腳底按摩，按摩師話佢腎上腺虛弱，佢自爆腸胃唔好，仲有胃酸倒流。至於上圍勁嘅林紫君，就被取笑未必啱着大會送嘅比堅尼。