加利仔、史高斯、雲達沙等等陪伴小弟成長嘅足球球星相繼退休，連籃球界嘅奧尼爾都退休埋；記得奧尼爾初出道，小弟就到波鞋街做暑期工售貨員，當時成行成市都係佢一比一嘅巨大人型海報，認真夠紅；小弟亦抵受唔住嗰輪宣傳攻勢，買咗人生第一對，亦係唯一一對R字頭嘅籃球鞋，鞋面仲有個充氣pump，以嗰陣嚟講真係幾創新o架。
睇住奧尼爾過檔湖人，攞3連冠又俾拜恩逼走，走去熱火重新振作，之後騎士同塞爾特人就淪為大配角，不過對籃球嘅熱情冇變。
美國足球隊門將費度，同樣係老不死，雖然佢已經冇踢國家隊，但美國頑強精神仍在；狂牛攞完歐國盃同世盃，友誼賽冇鬥心，美國可以保不敗。
牽牛
星期六22
美國vs西班牙
心水：美國勝[+1]
心得：美國備戰金盃，戰意較高