周杰倫同謝霆鋒喺大馬拍緊戲，霆鋒因為有大班記者等佢就足不出戶，但周董就俾拍檔累到唔可以行街。噚日下晝四點幾，有架七人車喺酒店停車場駛出嚟，記者以為係霆鋒就死跟，之後架車駛咗去個商場，落車嗰個原來係周董。記者想影幾張相問幾句，但周董就扮講電話唔應，仲連鏡頭都唔肯望，最後佢見有咁多記者在場只好原車返酒店。