喀麥隆喺出戰禮拜六非洲國家盃外圍賽之前，就傳出中場桑治（右）同隊長伊度奧（左）有拗撬嘅傳聞。有消息指桑治喺食飯嗰陣坐咗伊度奧個位，咁伊度奧見到就梗係搵佢理論，繼而發生口角。而且喺隊入面伊度奧一直係大佬，所以桑治咪俾人孤立囉，之後仲傳出佢俾人趕出隊㖭，但足總後尾出嚟澄清冇咁嘅事。不過喀麥隆成日內訌，件事屬實都唔奇。