人為咗錢有時係會不自覺地行差踏錯，女星「金銀蛋」就係其中一個例子，佢本身吸金能力唔係差，搵到錢之餘亦儲得到，但估唔到連佢都係要走上陪老細呢條路。金銀蛋家之所以有「老細V」開水喉射住，拍戲冇停過，都係靠陪瞓換返嚟。
其實金銀蛋賣身畀老細V之前，佢曾經畀「富商T」睇中，富商T對又靚又叻嘅名女人情有獨鍾，嗰期佢對屬於呢類型嘅金銀蛋勁着迷，於是大灑金錢包起金銀蛋，富商T嘅元配同二奶就梗係收到風啦，不過呢啲事都唔係第一次發生，佢哋咪惟有隻眼開隻眼閉囉。
富商完唱
不過，富商T包金銀蛋只係維持咗一段好短嘅時間，原來富商T嫌棄金銀蛋冇身材，佢包完金銀蛋之後仲同啲上流社會嘅老友猛咁唱話：「都冇身材，唔好玩嘅。」富商T嘅二奶同埋以前包過嘅女星都係有料之人，身材絕對唔嘢少，唔怪得之富商T玩完金銀蛋之後即刻嫌三嫌四啦。
Textby 關仁