陳幼堅從事設計工作數十年，沒間斷享受觀賞藝術創作給他的快樂與靈感，由少年時代儲的第一張戲票，到現在坐擁從蘇富比心驚膽跳拍回來的百萬珍品，東情與西韻始終強烈縈繞心中，東西兩極由DamienHirst對生命的挑釁刺激與朱銘的中庸和諧，都是他的至愛。 採訪：MichelleLeung
與陳幼堅（Alan）打開話匣，他認同本質是源於設計創作的大小，天價不值錢藝術品，集（收集）與習（學習）都令人有無比的樂趣，他說：「我其實似個收買佬，好多心頭好，見到鍾意，touched到我嘅都會儲起，中學時同女朋友去利舞臺睇戲張戲票都仲喺度，坐車買嘅車票號碼係44/66/88我又會儲起，不知不覺中，儲起有意思、有設計特色物件呢個種子就慢慢開始滋長。」
愛被藝術包圍
「到讀設計，做設計工作之後，就好自然一發不可收拾，自己做graphicdesign，一切設計關於線上，形狀都好容易touched到我，我好需要同享受beinspired，被藝術創作包圍住係好快樂嘅事。」藝術品一文不值與天價，一線之差，Alan說：「對我嚟講，一蚊、一百萬冇分別，只要設計係有意思。」
五年前才開始收集contempoaryart，Alan說：「因為認識未算深，contempoaryart分分鐘係masterpiece唔係戲票，我買contempoaryart就當買藍籌，不過冇諗住放，落手買原因係inspired到我，我尊重欣賞呢個artist，亦可以係投資嘅一種，好多買落嘅artpiece，好快就升值，自己都開心，證明眼光好。」
努力認識作者
大師藝術品恆河沙數，揀選準則源自哪裏？陳幼堅說：「當然之前有study個artist，去畫廊做吓功課資料，我通常會揀個artist最有代表性嘅作品，然後再慢慢開發，當然個artist嘅理論睇法我都要認同，有啲人會prefer同創作者有距離，保持神秘，我就相反，最好認識埋個artist，因為有時件artpiece麻麻哋，但係認識咗交談咗後佢個人可愛有趣又有另一番說服力。」
工作室的珍藏無數，對Alan來說，令他最心動、甚至有為時代把脈能力的truemaster是甚麼？他說：「我好鍾情對比：新同舊，東同西，我最鍾意，亦認為佢哋嘅作品有為時代把脈呢樣咁長遠嘅力量。一個係DamienHirst，佢家先至40幾歲，仲有longlongwaytogo，佢做嘅嘢未必係好複雜刁鑽難做，但係佢完全做到時代氣息呢種感覺出嚟，另外佢最受爭議係不斷挑戰藝術市場生態嘅態度，同埋對生老病死，死亡完全冇忌諱，經常通過作品反思生與死嘅倫理、呢種挑釁性觀眾嘅接受能力，就好似向全世界宣告自身不滅嘅『生命力』正正就係佢創作生命嘅靈魂。」
視朱銘為永恒
「另一個我好仰慕係中國雕塑大師朱銘，佢係永遠嘅classic，佢嘅作品反映住中國嘅國粹太極，亦係中國人追求嘅精神狀態，正如家中國人經濟上好富足，但係心靈上依然空虛，所以更加需要填補心靈上面嘅空虛，要達到中庸和諧呢種精神狀態一啲都唔容易，同埋佢化繁為簡嘅美學視野，亦都影響我好深，絕對係中國當代藝術嘅先行者，佢嘅太極系列突破『形』嘅規限，向西方世界展示咗中國文化嘅『意』，簡潔但係唔簡單嘅視覺演繹打通東西文化嘅隔閡。」
人物誌：爺級設計師
現年60歲的陳幼堅，是香港「爺」級設計師之一，40年來的廣告及設計生涯中作品無數，多年來客戶包括可口可樂和四季酒店等，並奪本地及國際設計獎超過600個，91及02年曾於日本舉行個人作品展，02及06年入選上海雙年展。02年獲香港特別行政區政府頒授榮譽勳章。
畫廊育才
事業成功，珍藏無數外，陳幼堅也有一顆肩負起支持新一代設計新血的熱心，去年成立27畫廊，舉行過以香港情懷為題的「講三港四」展覽，參展的插畫藝術家計有小克、楊學德、江康泉等。近期則與又一山人合作，請來劉嘉玲、杜鵑、楊志超等創作虛擬包裝設計。
