【第38屆港姐之極速揭秘】港姐正式開鑼短短幾日，現年22歲的「大口江若琳」3號許亦妮（Whitney）已榮登新聞女王，本報昨接獲讀者爆料指Whitney曾與周柏豪拍拖，周柏豪說認識Whitney，但否認相戀及曾搞大Whitney的肚：「我17、18歲時做model識佢，入行以嚟冇同佢聯絡過，冇拍過拖。」周柏豪現時26歲，依他所言，Whitney識他時豈得14歲？
前日網友上載了一張Whitney攬仔抱B相，並指她曾生仔，無綫外事部副總監曾醒明昨日說：「我哋今日向佢求證，佢話個BB係佢家姐個女，個男仔係佢前男友。」
Whitney前日出席完官方活動，與眾佳麗齊坐廠車離開將軍澳電視城，再轉港鐵到藍田坐的士去觀塘華峰園，但有傳她愛與朋友吹噓住比華利山及渣甸山。另一佳麗「查理天使」7號胡中慧就由將軍澳坐巴士去沙田，再轉的士去帝皇閣，她全程任影，並向記者說：「影得靚啲喎。」街坊指她與父母在上址居住多年。
10號李天縱大鼻變細
此外，24歲的「風塵冰冰」10號李天縱是選美常客兼藝人，17歲已參加環姐中國（北京）選美，做過主持及形體模特兒，戴bra拍廣告晒C奶亦試過，她變臉更有計，昔日大鼻似成龍，近年卻神奇收細。
採訪、攝影：夏琴、彭琮然、朱志聰
若讀者知道今屆入圍港姐的底細，歡迎電郵至mailto:[email protected]報料。