胡定欣同羅仲謙前晚喺電視城錄影《吹水同鄉會》，大講靈異經歷，胡定欣話冇乜遇過鬼怪事，但係佢相信呢個世界有第三空間，佢話以前喺清水灣電視城都聽唔少同事嘅怪異經歷，所以佢夜晚甚少單獨出入。胡定欣仲拍緊新劇《拳王》，佢話仲有兩場拳賽要拍，其中一場要同真正女拳手對賽，胡定欣話：「好彩只係拍戲，如果要真打我真係冇勇氣。」