趣趣地：紐亞易服宣傳女子世盃

德國舉行嘅2011年女子世界盃喺月尾就開鑼，德國足總梗係落力宣傳啦，仲搵嚟男足（圖）幫手拍宣傳片！喺段片入面見到紐亞同奧斯爾等國腳入咗更衣室，仲着埋女子隊嘅波衫。女子波衫細啲同窄身啲，班大男人咪着得好辛苦囉，之後俾班女足同埋女足教練妮特見到同嘲笑㖭。不過睇到男足肯幫女足拍片，反映佢哋都幾融洽。