朱璇、朱慧敏、岳華及揚明等《誰家灶頭無煙火》演員，昨日在沙田出席「愛心有家賀端陽」活動。朱璇早前和湯臣集團太子爺湯珈鋮結伴欣賞五月天演唱會，還找來好友陳爽三人行做煙幕，朱璇則強調和湯珈鋮只是好朋友關係，她說：「佢（湯）只係有演唱會飛請我去睇，上次KennyG演唱會陳爽都冇去啦！我哋冇拍拖，佢亦冇追我，近排都唔敢見佢，再繼續傳緋聞，我驚以後嫁唔出。」
「佢似屋企人」
朱璇聲稱暫無戀人，但亦不會考慮和湯珈鋮發展感情，她說：「佢似我大哥哥，好照顧我，覺得喺香港都有屋企人咁，其實我同佢媽咪（徐楓）比較熟啲，我都識佢哥哥，大家間唔中會一齊食飯，但唔算成日見。」
採訪、攝影：魯萍