鋒芝婚變全城關注，李嘉欣嫁入豪門，為許晉亨誕下兒子JaydenMax，嘉欣昨日在西九龍出席活動談到夫妻相處之道，多謝亨亨百般遷就，所以很少嗌交。她又覺得女人的安全感不是來自樓盤、物業，反而有自信及自我肯定，就有安全感。
李嘉欣昨日在西九龍出席Inakaya日本餐廳開幕，穿上Dior連身裙的李嘉欣，心情大好，一直看大會安排的舂日本年糕儀式，看得心花怒放。她透露剛和老公許晉亨去完東京度假，問到可是老公獎賞之旅，嘉欣一貫晒命說：「唔需要乜嘢獎勵，佢想我放低BB去relax吓，佢『』咗我好耐，我都唔捨得。」
滿意財政狀況
有記者提議嘉欣帶同JaydenMax衣衫解思念，她說：「好主意，我要將佢嘅衫放入密實袋度，可以得閒拎出嚟聞吓佢陣味。」
近期城中最熱爆，必數鋒芝婚變，嘉欣不想多評論。問到她和許晉亨有否簽婚前協議？她說：「我有自己嘅事業，財政狀況喺婚前、婚後都咁滿意。」問到可是財政獨立？她表示兩人有共同目標，冇特別計較錢銀。問到莫非因自己收入比老公多？嘉欣即說：「我都想，可能下一世啦。」張栢芝被指不斷要求霆鋒轉讓物業，問嘉欣在太太立場，要求分享資產，是否有助提升安全感？嘉欣說：「安全感唔係來自資產，安全感係自己建立出嚟！想要咪自己努力。我嘅安全感來自自己嘅信心。」
安全感靠自信
嘉欣表示信心不是來自事業，也和金錢無關，她說：「係內在信心，應該欣賞自我，肯定自己，唔係用外在嘢嚟輔助，全世界有啲人擁有好多嘢，但都唔開心，我唔想成為其中一個，安全感係同物質冇關嘅。」嘉欣指自己和許晉亨夫妻相處是互相遷就，她說：「佢就我多啲，我冇乜嘢要改，我哋都冇乜嘈交，自自然然就冇嘢，相處絕對係一個學問。」
採訪：RitaLeung
攝影：WongManWai