家庭、事業、愛情，三者缺一不可，去年4月，葉文輝（啤梨）卻遇上母親離世、與女友分手的雙重打擊。這段日子，令他經歷了人生最痛，身邊朋友都擔心不已。幸好時間可以冲淡一切，後日生日的啤梨，將會舉行音樂會，或許他想藉此告訴大家，啤梨要重新出發。
相隔5年葉文輝將於後日（5日）生日當天在中環舉行音樂會，是繼06年灣仔伊館後再會歌迷，他說：「呢兩年自己都作咗好多歌，同埋學彈琴，希望花多啲時間喺音樂方面，經過咁多事之後，我要繼續加油。」
寫歌悼亡母
啤梨母親去年離世，令他一直未能平復，他說：「原本舊年同羅力威寫咗首歌係送畀媽咪，但當時真係錄唔到，一錄就即刻喊，好似世界末日咁，家再唱呢首歌，我心態有啲改變，用咗一種懷念方式，做人最緊要珍惜一切。」
母親離世令啤梨大受打擊，與此同時，啤梨又與拍拖數年的女友分手，他說：「舊年好似各樣嘢都走晒埋嚟，我個人一向比較幸運，冇乜挫折，但一年裏面遇到人生中最低潮，嗰段時間我收埋自己，唔見人唔講嘢，個人好灰又失眠，曾經我都驚過自己會有抑鬱症，好彩啲朋友不停搵我陪我。」
入行超過10年，啤梨曾與傅穎、松岡李娜及趙彤等傳緋聞，他表示未考慮會否請她們捧場，現階段也不敢想感情事，靜待緣份出現。採訪：溫敏芝
攝影：陳志嵐
髮型：JeanofOrient4
服裝：Woodland
