求驗客手記:老伯勁抽18秒中5次楣 - 求驗客

求驗客手記:老伯勁抽18秒中5次楣 - 求驗客

一位叫艾歷林拔嘅75歲伯伯,日前參加一個叫「門楣挑戰」(TheCrossbarChallenge)嘅電視節目,喺18秒內連續5次射波中楣(圖)。佢完成創舉之後,仲同朋友好high咁攬埋一齊碌地慶祝。有冇咁堅呀?幾年前朗拿甸奴喺電視廣告表演過連續4球,球不着地射波中楣,之後俾人踢爆係假嘅。前排碧咸喺沙灘赤腳射波落垃圾桶,仲連續3球穿針,真係信不信由你。至於呢位伯伯真係咁堅,定靠電腦特技,就要大家自行判斷啦!