陳啟泰做司儀見得多，最近他推出大碟，新歌《BabyBaby》更奪內地音樂先鋒榜冠軍。在音樂發展有成績的同時，他對最近無綫和亞視的收視爭議甚關注，並直言無綫那套收視計法「係時候執一執」。
現於有線電視以合約形式擔任藝人的金牌司儀陳啟泰（Ken），一直渴望成為真正歌手，最近他獲一間從未從事過娛樂事業的內地Led照明公司拉攏加盟，為他推出個人大碟，新歌《BabyBaby》在內地甚受歡迎，更曾奪得內地先鋒榜冠軍，贏埋內地人氣女歌手李宇春。
質疑收視結果
陳啟泰指今次是他第三隻唱片，02年推出過首張唱片，但並不滿意；09年推出發燒碟，但發燒碟是讓音響發燒友試聽音樂，他的聲音只是音樂的陪襯而已；今次有老闆出錢，讓他全權決策做自己心儀的音樂，近日陳啟泰便四出在香港和廣東宣傳新歌《BabyBaby》。
全碟四首國語歌，加一首英文歌，陳啟泰說：「成績無論如何，對我嚟講已經係一大滿足，我唔係主流歌手，但內地同台灣可以有空間容納。」
早前亞視台慶，陳啟泰首次以歌手身份演出，對於無綫和亞視的收視爭議，陳啟泰為亞視說好話：「其實幾過份，金像獎當日我有睇晒，身邊好多人都有睇，但出嚟收視得7點幾，真係有啲怪。」
陳啟泰又謂亞視多觀眾，他說：「我係資深藝人，又喺無綫打過工，發現亞視拍嘅劇得7、8點收視，但街上觀眾見到我哋會問我哋有關齣劇嘅嘢，反而TVB劇要到35點先至有人問，唔敢話佢哋嘅收視計法錯，但係時候要執一執。」
採訪：張俊銘
攝影：陳志嵐
