蔣怡（CoCo）早年以模特兒身份出道，廣令大眾熟識，一副衣架身形，是做模特兒的好材料。原來她天生愛吃，近年她已退下天橋，成功轉型成為飲食節目主持。CoCo自爆購買烹飪書，學習廚藝箍實男友翁狄森。
蔣怡近年由模特兒成功轉型成為節目主持，主攻飲食節目，她與私房菜主廚余健志（Jacky）日前在圓方一起接受訪問，CoCo表示與Jacky認識了8、9年，她更不時會幫襯Jacky開設的私房菜館，問CoCo有否向Jacky請教廚藝？她說：「當面就冇，不過佢出嘅書我有買晒，教晒工人點煮。」
爆男友腌尖
CoCo表示已沒當模特兒6年，近年大多主持美食節目，她說：「其實呢個係我本性，我好鍾意食嘢，已經慣咗食極唔肥。」
CoCo日前與男友翁狄森相約好友梁洛施（Isabella）在西貢嘆美食，之後更帶Isabella返家開美食派對，問CoCo平日有否下廚給男友品嚐？她說：「都有嘅，我主要嘅顧客係我男朋友，因為要取悅佢，佢係藝術家，有時都會幾腌尖，如果煮到一pat咁，佢就唔會食，不過我都唔會嬲嘅。」CoCo坦言男友也算易，她亦很享受為男友親自下廚。
Jacky瓣數多
Jacky表示以前做廣告工作，自97年金融風暴後，他便轉型開私房菜館，近年主持飲食節目及推出飲食書，瓣數越來越多。
採訪：溫敏芝
攝影：陳志嵐
