花旗嘅就業同製造業數據欠佳，拖累股市前晚大幅下挫超過2%。
銀行同汽車股係主要沽售對象，呢兩類股份同經濟前景息息相關，經濟再被市場睇淡，股價自然會受壓，當然，歐洲債務危機亦持續困擾市場。
受花旗股市帶動，港股跌返落50日同100日線樓下，恒指跌372點，收23253，不過靠近23000關支持位，沽壓唔算大，短線反彈形態仲未改變。
莎莎C輪28779：莎莎國際（178）收4.96元，跌2.3%。股價喺4.35元至4.85元區域反覆咗兩個月之後，終於出現異動，前日配合大成交突破5元，應該係開展新升浪嘅訊號，莎莎業務前景偏好，炒上先睇6元，可以諗吓隻C輪28779。
隻輪現價16仙，2012年10月19日到期，行使價5.28元，溢價38.7%，引伸波幅74.3%，槓桿率3.1倍（有效2倍），正股升上6元，28779睇23.1仙，正股跌穿4.50元就沽咗隻輪。
俊樺