常說女人有千隻手，可以拎千個手袋，女人愛手袋的程度可想而知。名模姚予晴（Mikki）示範過無數手袋，始終認為handbags是服飾中最值得投資的，她早前在中環示範意大利品牌Furla手袋時，透露多得「志願軍」女將常到她家，才令她不至堆積手袋山，得以長期保持只有30隻手袋的女人。
名模多着數，sponsor和打折買名牌，Mikki也因而每兩三個月都入貨掃手袋。她早前在中環示範Furla手袋時，自爆對手袋又愛又恨，她說：「我始終覺得手袋係最值得投資，因為使用率最高，你唔可以日日着同一件衫、同一對鞋，但可以連續好多日用同一個手袋。」
大袋變locker
做模特兒，開工幾寶的打底衫褲、高跟鞋、各式化妝品不能少，Mikki也曾情傾superbigbag，後來才改變：「個袋一大，發覺自己開始唔執嘢，兩個星期前嘅糖、舊notes、信件，全部都喺度，個袋直情變咗locker咁，所以逼自己用番中袋。」上膊肩袋方便型女，Mikki卻最鍾情手挽袋於優雅中有stylish味道。
女友上門自取
Furla今個春夏，以contrast（對比）作為主題，由色彩、質料到輪廓，都從強烈反差中，取得更有趣的時尚氣息。Mikki謂twotones拼皮也是自己今季hotpick，她說：「今年sharpcolors好hit，感覺成個人都活潑咗。我覺得靚皮淨色嘅袋，幾時都用到，funnycolor和拼皮、撞色，係好玩、幾modern，開工都冇咁悶。」
坦言兩三個月就入手掃袋，Mikki都一樣不捨得丟掉，大批手袋多得家中「女性志願軍」上門，為她服務，她笑說：「我表妹、啲girlfriends間唔中上到屋企，就會話：『你都唔用，我拎去玩，我借去用』就咁，有啲用悶咗嘅，就會自動消失，哈哈，都幾好！」
採訪：DebbieLum
攝影：ChanChiLam
色彩協奏曲
Furla緊貼今季的bright、sharp色彩世界，Furla春夏手袋也是數不盡的blockcolor，再結合tropicalgarden的果香奇想，如藍莓色、百香果色、芒果色、牛油果色等。異常亮麗的色彩，撞上exoticanimalskinprint、動物皮壓紋，如非常鮮黃、近似螢光的真皮壓鱷魚皮手袋、綠得偏向假的艷綠色蛇皮紋手袋、紅色泛光的紅色蛇紋handbag，合奏另一種虛幻美學。
