無綫15位候選準港姐噚日分別喺銅鑼灣同九龍塘Hair進行大變髮，不過多位佳麗嘅頭髮喺變身前後未見有好大分別，反而同面試時就好唔同，着番便服時原來都係大膽sexygirl。
清純Jolin無懼是非
好似「大口江若琳」Whitney，身形唔錯，背心低胸衫，露出事業線，仲要透視埋個bra，認真殺死人，本來一頭長髮的Whitney變咗一頭曲髮，加添女人味，佢話：「自己好鍾意，我都唔係第一次電髮。」同場「炭燒基嫂」Giselle加入戰團，一件藍色緊身背心，玲瓏浮凸，背後嘅透視bra更加春色無邊。
Gemma被封為「激凸Regen」，果然名不虛傳，佢現身九龍塘又一城時低胸背心，事業線清晰可見，Gemma相當滿意自己的新髮型，佢話：「剪咗少少，都好好。」
唔少女仔未入圍已經是非不絕，大部份冇得留低，當中剩番嘅就係「清純Jolin」朱晨麗（Rebecca），佢入圍即刻有人報料話佢貪慕虛榮，又煙又酒，仲鍾意換男朋友。噚日Rebecca喺銅鑼灣整頭髮，第一次俾人問到呢啲負面新聞，佢淡定話：「希望大家留意比賽期間嘅我，我會專注比賽多啲，慢慢俾人了解我，我會畀大家知我係點嘅人。」