鋒芝婚變日日有變數，對於有傳栢芝發難先發制人向霆鋒提出離婚，老爺謝賢（四哥）昨日在電話回應：「唔好問我佢哋啲嘢，我俾你哋（指記者）煩到暈晒，你哋聽到乜嘢，鍾意寫乜就寫乜，根本我唔知呢件事，話畀我知做乜，係咁啦。」向來火爆的四哥昨日在電話中語氣無奈。看來他仍想盡力為兒子和新抱箍煲。
查小欣日前在節目大爆鋒芝婚變，指栢芝狂吞霆鋒物業內幕，外間估計她受拉姑所託爆料，事後更被四哥公開鬧多事。查小欣昨日在西九出席活動，謂四哥和栢芝都沒有搵過她，問她可是拉姑授權她爆料？查小欣說：「唔回應！」她強調自己所講的全是事實，不是製造是非：「我唔怕，我係報道事實，我只係一個報道同分析，如果唔係事實，就有人出嚟（澄清）啦。」至於消息來源，查小欣就說：「我要保護證人。」踢爆栢芝料，不驚栢芝嬲？查小欣說：「最驚係唔係事實啫！」
採訪、攝影：梁錦雯、比華利