花旗股市假期後顯著上升，希臘債務危機有望降溫，成為歐美股市前晚上升嘅藉口，從技術走勢睇，花旗股市嘅升勢仲未完結。
港股前日勁升近500點之後，噚日回跌57點，成交縮至734億，係大漲小回格局，呢兩日上試24000關嘅機會唔細。
內險股有異動迹象，可能會趁個市氣氛好番啲炒番一轉，可以留意。
財險C輪24434：中國財險（2328）噚日報收11.40元，升1.6%。上個月推介隻C輪24434嘅時候，睇正股上試11.50元，股價早前升上11.66元之後現技術調整，家已經回完氣，有機會向12.60元推進，24434可以翻兜。
隻輪現價19.2仙，2011年10月4日到期，行使價10元，溢價4.6%，引伸波幅42.8%，槓桿率5.9倍（有效4.4倍），正股升上12.60元，24434睇28.8仙，升幅50%，短炒算吸引，正股跌穿10.80元就沽咗隻輪。
俊樺