阿根廷前日同尼日利亞踢咗場友賽，派咗B隊上場，結果以1:4慘敗。而阿根廷破蛋嗰球仲要唔知係咪球證有心送畀佢哋。事緣比賽咗90分鐘，阿根廷仲落後緊0:4，雙方球員都等球證吹雞完場，不過球證就表示會補時5分鐘，但最後更補至7分半鐘，球證仲無啦啦送咗阿根廷一個爭議性嘅12碼，令阿根廷破蛋以1:4完場。買咗呢個達70倍波膽嘅球迷當然笑晒，但同時亦令人有造假嘅聯想。國際足協最近先話要加緊打壓球壇打假波嘅情況，家似乎明被人剃眼眉喎！
另外，冇隨阿根廷友賽嘅美斯，就啱啱力壓皇馬嘅基斯坦奴朗拿度及同隊友沙維，成為2010/11賽季西甲最佳球員，獲頒「迪史提芬奴獎」。美斯已經連續3屆拎呢個獎，真係威過威士忌！