林超賢喺馬來西亞拍緊套《逆戰》，其實除咗謝霆鋒之外，仲有台灣嘅周杰倫，不過因為霆鋒同栢芝傳緊婚變，所以注意力就去晒霆鋒度。噚日杰倫都有份開工，要到成5點幾至有佢嘅戲份，戲裏面佢有唔少動作場面，噚日戲份就文戲為主，比較輕鬆，不過有一場就講佢同霆鋒喺架吉甫車度講數，但架車就吊起離地成5、6呎。