「荷蘭橙」史奈達去年先至同索模女友尤蘭迪結婚（上圖），之不過佢哋結婚唔夠一年，就盛傳因史奈達出面有「阿3」，好可能搞到呢對金童玉女離婚收場。26歲嘅史奈達今季喺意甲國際米蘭打得唔係好如意，又曾患貧血病。佢同老婆婚後亦各有各生活，聚少離多，即使見面亦都吵架收場，唔知係咪因為咁，呢位一向花心嘅「荷蘭橙」就喺出面偷食。雖然日前意大利盃賽前，佢喺Twitter寫話要快啲贏波，趕住返屋企攬實老婆仔。但係外界認為呢啲只係史奈達闢謠嘅方法。查實佢有外遇已經唔係第一次，佢同前任老婆雷蒙娜05年結婚後，就傳佢同網壇「長腿美女」斯洛伐克嘅韓迪卓娃有緋聞，最終佢同雷蒙娜喺09年離婚。究竟今次「花心蘿蔔」婚變快，定「鋒芝」婚變快啲，大家放長雙眼睇啦！