【第39屆港姐之塵埃落定】無綫《2011香港小姐競選》經過兩輪面試後，終於選出15名佳麗晉身決賽，未知是否受是非影響，事前視為風頭躉的「MK嘉欣」和「縮胸娜姐」均冇得留低。質素不俗的「清純Jolin」朱晨麗則殺入決賽，但就有人報料指她貪慕虛榮，又煙又酒，更經常換男友。
無綫昨日安排15名打入港姐決賽的佳麗到將軍澳電視廣播城報到，風頭躉兼是非多多的「MK嘉欣」Jasmine、「縮胸娜姐」劉家麗、「怪胸人」和「港版熙蕾」等統統落敗，幸質素不俗的「清純Jolin」朱晨麗能打入決賽，其他入圍佳麗還有「查理天使」Sandy和「滅絕霜霜」Gwen等。
讚縮胸娜姐唱歌叻
港姐監製何小慧表示今年海外佳麗質素比較好，故最後選了六名海外佳麗入決賽，人數比以往多，昨日所見，海外佳麗質素確實不俗。眾佳麗今日接受改造後，明日正式見記者，決賽將於8月7日在電視城舉行。
對於不少風頭躉落選，無綫製作資源部總監樂易玲說：「今年好多係做藝員嘅材料，好似嗰個似周秀娜（縮胸娜姐）嘅女仔，佢唱歌幾好聽，反正佢入咗行，不如做藝人好過，但要選晒港姐先再約佢哋。」
此外，昨日有讀者爆料指「清純Jolin」朱晨麗貪慕虛榮兼見風駛舵，在演藝學院讀書時曾與中國舞系的何姓男生拍拖和同居，畢業找到工作後即分手，再交新男友。報料人更指朱晨麗喜歡結交有錢同學，生日會要求朋友送指定禮物，又經常吸煙、喝酒和蒲吧，換男友如換衣服。
採訪：何慧斯、楊潔雯
攝影：彭琮然、黃文偉
若讀者知道今屆入圍港姐的底細，歡迎電郵至mailto:[email protected]報料。
海外佳麗
