卓韻芝近排為咗自己首個棟篤笑騷忙住練氣寫稿，又要擔心票房，佢噚日終於安心晒喺商台接受訪問，佢話公開發售嘅門票火速售罄，好感激fans同朋友嘅支持。事前阿芝仲擔心賣唔晒啲飛，好友鄭秀文話若果賣唔晒就幫佢包底。最近阿芝請咗私人教練幫佢操練，又喺跑步機邊跑邊講稿，仲約朋友開預演騷，務求不停改進，家已經寫咗七成幾嘅稿。