近期韓職爆出嘅假波醜聞，疑犯之一嘅鄭鐘寬（左）懷疑畏罪自殺身亡。據禮拜一韓聯社報道，曾經踢過全北汽車嘅鄭鐘寬俾人發現倒卧喺首爾一間酒店；鄭鐘寬喺遺書度提及指使人哋打假波，覺得非常後悔同慚愧，對唔住屋企人同恩師，所以警方初步認為係自殺。若屬實，真係早知如此，何必當初呢？