一場高燒奪去了卓卓的左肺，注定了將來一輩子都要靠揹着氧氣機過活的命運！五歲半的男童卓卓四年前發高燒不退，輾轉兩個月才查出患上不常見的閉塞性細支氣管炎（BronchiolitisObliterans），自此氧氣樽成了他唯一的生存依靠，「給我一啖氣」更成了卓卓和父母每天的希望，每天帶着六公斤氧氣樽送卓卓上學的母親，望着命懸一線的兒子，傷心地向記者說，每次上街都提心吊膽，有如生死時速，就怕氧氣一旦用完，兒子就有性命危險。 記者：劉秀蘭
於07年，只有一歲半的卓卓返鄉後回港發高燒，出現呼吸困難，在深切治療部留醫一個月，最終醫生證實他的肺部感染了數種過濾性病毒，病情嚴重，左肺功能受破壞，須長期依賴氧氣機過活。「小朋友發燒好常見，冇諗過咁嚴重，醫生都答唔到幾時先唔使用氧氣，要睇佢個肺會唔會脹番」。
自此，卓卓便要依靠氧氣來活下去，現時已就讀特殊幼兒中心的他，在家及學校使用家用式氧氣機，外出則用手提氧氣樽，每次帶備兩樽，一樽為後備，每樽重三公斤，只夠兩小時使用。母親說:「試過喺街壞咗錶頭，佢嘴唇、指甲即刻變紫，唞氣急促，即刻搭的士返屋企吸氣」。
醫療開支每月4,000多元，但任裝修散工的卓父月入平均約6,000多元，卓卓還有一名兩歲妹妹，即使社署發放2,000多元高額傷殘津貼予卓卓，仍入不敷支。
由於外出必須使用氧氣樽，卓母坦言，一出街便有如「燒銀紙」，故盡量減少外出，「我哋都知道小朋友參加群體活動好重要，但係開支咁大，冇辦法」。
醫生建議卓卓使用手提式氧氣機，邊充電邊自動製造氧氣，可連續使用12小時，「有咗部機，佢可以多啲外出活動，有助鍛煉心肺功能」。此外，他須長期使用睡眠呼吸機，若要購買兩部儀器，各需4萬餘元，來自基層的卓卓父母無力支付。
「我想去海洋公園」
蘋果日報慈善基金了解卓卓情況後即撥款購買給他使用，令卓母十分感動。一直無怨無悔地貼身照料兒子的她掩不住內心喜悅說：「有咗兩部機，每月只需要用800蚊租兩部氧氣機放喺學校同屋企用，開支大減，我哋生活唔使咁吃力，仲可以幫卓卓融入正常生活。」
小小年紀的卓卓也有夢想，「我鍾意踩單車，我想去海洋公園……」有了手提式氧氣機，終可達成心願！
蘋果基金為卓卓設立捐款編號，讀者可透過以下途徑捐助其往後醫療開支：
「卓卓」捐款編號：C3023
網上捐款： http://charity.appledaily.com.hk/donate
卓卓每月醫療開支
20樽氧氣（每樽105元）：2,100元
租用兩部家用式氧氣機：800元（各400元）
租用睡眠呼吸機：1,400元
合共：4,300元