【模範生】JessicaC.前年爆紅，走勢大旺下，更到美國叩門試水。所屬的模特兒公司ModelOne，剩下大師姐AnaR.撐場，今年火速簽了兩個同樣年輕、身材火辣的混血女模，力求上位。其中能操流利廣東話的21歲中英混血兒Angelina，今夏挾生力啤、燕窩廣告而來，5年前和蔡依林一齊拍廣告，令她想成為內衣品牌Victoria'sSecret性感fungirl，又想跟蔡瀾做飲食節目。
身為「警鐘胸」JessicaC.師妹的21歲中英混血兒Angelina，身高5呎10吋，擺明不是走o靚模路線，外表洋化，其實相當本地化。在香港長大、能用廣東話溝通、愛看《獎門人》節目，Angelina直言憧憬娛樂圈，目標清晰，做模特兒是入行踏腳石，最想拍電影，不過，終極目標不是榮升大明星，而是和蔡瀾一齊主持飲食節目。
16歲拍廣告
新加入模特兒行列的Angelina，原本在澳洲讀時裝設計，去年7月尾回港，決定簽約做全職模特兒，再一步步入娛樂圈。做明星的火種，原來是6年前由蔡依林（Jolin）燃點，Angelina16歲拍第一個廣告，就有幸夥拍當時紅爆亞洲的蔡依林，齊齊拍麥當勞廣告。Angelina重提當天，依然興奮非常，她說：「我係一個smallsmallpotato，扮Jolin嘅私人助理，企喺佢身邊，雖然我得16歲，但生得高，sofunny，佢好可愛、好靚，全世界包圍住佢，佢真係superstar！成個過程，大家都好開心好享受，令我好想做呢個行業嘅其中一個。」
主持飲食騷
Angelina近日仍跟大師姐AnaR.學行catwalk，她坦言主持cookingshow才是她的終極目標，她說：「我真係好鍾意cooking，一有時間就喺屋企整嘢食，cooking係我最女仔嘅部份，我好鍾意蔡瀾，佢又識煮又識得食，同佢一齊做烹飪節目係我家最想做到嘅目標。」
美女廚神KitMak由廚房跳去sell高跟鞋，由模特兒跳去做主持飲食旅遊節目，幾乎所有名模前輩如周汶錡、AmandaStrang、MandyLieu等，個個都做過，在模特兒渴市的情況下，相信不難。
Angelina精靈笑住說：「我鍾意整啲最肥嘅芝士蛋糕、心太軟，識煮嘢可以到人。」至於自己有甚麼優點？Angelina說：「好好玩囉，識講廣東話啦，同埋我好玩得，我想上《獎門人》節目。」
Angelina謂自己的中英混血背景，和香港的殖民色彩最貼近，混血爸爸幾代也在香港長大，從小在家和中國媽媽只准講廣東話。
性感又自信
擺甫士時Angelina自動Ｓ形蛇形甫士，變身性感辣模，她視安琪蓮娜祖莉（AngelinaJolie）為偶像外，原來一眾內衣名牌Victoria'sSecret的誘人女模，她都視為最正的女模，她說：「Victoria'sSecret入面嘅女模，全部都係我鍾意嘅模特兒，佢哋性感、有趣、自信，尤其是MirandaKerr！」
深信性感自信是模特兒必需，不過，Angelina自認男仔頭，細個鍾意玩射擊、打交，她說：「我係一個男仔頭，因為爹哋係射擊比賽選手，所以由細到大，爹哋都同我去槍會、學shooting，同埋我有兩個哥哥，佢哋帶我四圍玩，我又好鍾意黐住佢哋，打機、運動，好男仔頭。」採訪：DebbieLum
攝影：ChanChiLam
服裝：JustCavalli、Galliano
場地：SunnyWongDanceSchool
AngelinaProfile
英文名：AngelinaAnderson
年齡：21歲
身高：5呎10吋
三圍：33.5、24、34
血型：B+
家庭：爸爸為中英混血兒、媽媽是中國人、有兩個哥哥
學歷：澳洲UltimoFashionDesignStudio時裝設計系畢業
嗜好：烹飪、繪畫
廣告：2011年生力啤、官燕棧
新啤妹沙灘一拖二
歷年生力啤廣告女郎，都有不少令人留印象，如嫁到台灣的奀妹、現時依然active的MandyLieu等。Angelina接拍的生力啤廣告，將會着住泳衣和兩個男模在石澳沙灘飲啤酒，大晒身材，她說：「嗰日好凍，不過真係好似開beachparty咁，somuchfun！」另一個燕窩健康飲品廣告，同樣騷身材，三點式上陣。