港股噚日反覆升破20日線,恒指報收23184,升66點,不過成交就顯著縮減,只得503億元,應該同噚晚花旗金融市場休假有關。
恒指50日線喺23373,係短線嘅阻力位,暫時未有足夠條件破關。要留意滙控(005)同內銀股嘅走勢,如果升勢可以維持,恒指會伺機破關。
商品期貨指數轉強,資源股可炒番轉,煤炭股可留意。
神華C輪11816:神華(1088)收37.45元,升0.6%。股價喺4月底升到38元掉頭,早排下試50日線企穩再組織攻勢,平均線組合已回復強勢排列,突破38元應該唔成問題,破位睇42元,可以諗吓隻C輪11816。
隻輪現價38仙,2011年11月21日到期,行使價38元,溢價11.6%,引伸波幅38.7%,槓桿率9.9倍(有效5.3倍),正股升上42元,11816睇66.2仙,升幅約7成半,正股跌穿35.80元就沽咗隻輪。
俊樺