港版灰姑娘梁洛施（Isabella）為前男友小小超李澤楷誕下三名慈姑椗，她下月牛一才23歲，已行了別人半生經歷。Isabella回復單身後，一直盛傳她有意復出幕前，她前晚低調返港相約恩師詹瑞文晚飯，玩至昨日凌晨2時多離開，司機駛入鰂魚涌太古坊的電訊盈科中心樓下停車場換車，前晚其保鑣的車也是小小超旗下公司登記。
梁洛施今年2月宣佈與富豪男友李澤楷分手，二人育有的長子長治和一對孖仔H&N隨她在外國生活，Isabella前晚被發現低調返港，相約詹瑞文和模特兒好友蔣怡等在西貢食飯，飯後更到了蔣於西貢的家玩。有傳Isabella與小小超分手後，有意復出幕前，她前晚與詹Sir言談間憶起拍戲的趣事。
駛入電盈停車場
Isabella前晚與曾教她演戲的詹Sir敍舊吃飯，與大家把酒言歡，飯後她到了CoCo家玩，Isabella玩至昨日凌晨2時多離開。司機先後在柴灣和銅鑼灣兜路，最終駛入鰂魚涌太古坊的電訊盈科中心樓下停車場換車離開。Isabella所坐的凌志房車的車牌昨午突然停用，前晚其保鑣的車也是小小超旗下公司擁有。
記者昨日致電詹Sir，他表示席間提到往日上堂學戲的情況，他說：「搞到佢（Isabella）戲癮大發。」問二人可有談合作大計？詹Sir說：「無論電影或舞台劇，我都等緊佢o架，不過家佢三個小朋友仲細，佢要做好媽咪本份，但佢都想有自己工作。我有叫佢睇多啲電影，等自己有最好狀況準備好就合作。」詹Sir表示Isabella拿出手機內囝囝的照片分享，他說：「三個小朋友都好得意。」他透露Isabella日內便離港。
「小朋友帶喺身邊」
Isabella前晚與詹Sir飯局，未知可是談合作大計？Isabella的發言人盧覓雪昨日在電話回應：「食餐飯啫，佢有演技同鍾意演戲係兩回事，一切言之尚早。」問到Isabella此行可有帶三名兒子返港？盧覓雪說：「佢去到邊，小朋友都帶喺身邊，出去食餐飯擺低一陣都得嘅。」她可有帶囝囝探爺爺李嘉誠？盧覓雪說：「咁私人嘅問題唔會問。」
採訪、攝影：比華利、楊浩賢、黃文成
